المرّيت بيهو كان كفاية يخليني أقسى، لكن خلاني أوعى… ودا الفرق.. بقيت بعرف إنو أي زول يحاول يقلل مني، غالباً متضايق من الحاجة البتميزني. وعرفت إنو الثقة الحقيقية ما إنك تكوني كاملة، الثقة إنك تتقبلي نفسك بكل تفاصيلك وتمشي رافعة راسك عادي جداً 🩷🩷! أنا ما محتاجة إثبات، لأنو الحاجة الأصيلة ما بتشرح روحها. والشخص الواثق ما بيستعرض نفسو، الناس بتحسو من طريقتو، من هدوءو، ومن نظرتو للحياة. اتغيرت كتير… بقيت ما برد على كل كلمة، وما بوقف عند كل موقف، وما بخلي أي زعل يكسر مود يومي. في حاجات زمان كانت تهزني، هسي بقت تمر مرور عادي، لأني ببساطة فهمت إنو ما كل شيء يستحق طاقتي 🩷! أنا ما ضد أحد، لكن دايماً مع نفسي. مع راحتي، مع كرامتي، مع النسخة البتحاول كل يوم تبقى أقوى وأهدى وأنضج. وعشان كدا، أي علاقة تدخل حياتي لازم تضيف لي، لأنو زمن المجاملة على حساب النفس انتهى. والأكيد؟ إنو أنا لو إخترت أمشي، بمشي بكامل ثقتي… ولو اخترت أبقى، بكون بكامل قيمتي 🩷🩷🩷🩷🩷✨️ - @.mayosha.calm.love