@diyaqonafewerki: ወዲ ሰብ እግዚአብሔር ብዝሃቦ ንጹህ ኣእምሮ ክሓስብን ሓሲቡ ድማ ድሌቱ ከተግብርን ወትሩ ኣብዛ ናይ መቕጻዕቲ ዝተዋህበት ዓለም ጻዕርታቱ ምስ ኣካየደ እዩ። ምስ ሂወትን ፈተናታታን ድማ እንተስ ከሸንፍ ወይ ውን ክሽነፍ ፊተ ፊት ይጋጠማ፥ ኣብቲ ናይ ቅልስ ጉዕዞ ድማ ሓገዝ ናይ ፈጣሪ ምስ ዘይሓትት ክሽነፍ ይጅመር ድሕሪ ምሽናፍ ድማ ናብ ተስፋ ምቑራጽ ይበጽሕ። ስለዚ ከም ደቂ ተዋሕዶ መጠን መስትያትና መጽሓፍ ቅዱስ ስለ ዝኾነ እግዚአብሔር ኣብ ልቢ ቅዲስ ዳዊት ብምዃን ከምዚ ብምባል መልእኽቲ የሕልፈልና ​"ኣቲ ኢየሩሳሌም፡ እንተ ረሲዐክስ፡ የማነይቲ ኢደይ ትረስዓኒ።(መዝ. 137፥5-6)።ስለዚ ንዘለና ፈተነታት ዓለም እንስዕሮ ን እግዚአብሔር ብምምሕጻን እዩ ስለዚ ንሕና ውን ከም ኢየሩሳሌም እግዚአብሔር *ኣይረሰዓናን *ኣይገደፈናን *ኣይሓደገናን *የዒንቱ ካባና ኣየግለለን ኩሉ ብተስፋ ብምስናቕ እዩ ዝኸውን እሞ ነዛ ቃል እዚኣ ብምድጋም ካብዚ ብሲኦል ዝምሰል ዓዲ ክንወጽእ ዘኽእለና እዩ.''ኣምላኽ ሰማይ ከቕንዓልና እዩ እሞ፡ ንሕና ባሮቱ ተንሲእና ክንዓዪ ኢና'(ነህ. 2፥20) ኩሉ ክወግሕ ብጸሎት እዩ እሞ ሓቢርና ንጸሊ ልዑል ኣማላኽና ንእስራኤላውያን ባሕሪ ጨዲዱ ዘሳገረ ሽግርና ኣብቂዑ ኣምሳል ነቢይ ሙሴ ኣተንሲኡ ባሕሪ ከሳግርርና ሰናይ ፍቓዱ ይኹነልና።