@xx_sefo_x: أنا فارقت ناس كانت روحي فيهم، وناس علقتني بيها ومشيت وسابتني، واللي كنت فاكره صاحبي طلع عدو، واللي كنت فاكره عدو طلع أشرف من ناس كانوا قريبين مني. شوكتني خيبات كتير، لكن علمتني أكتر. وخدت درس إن الكلمة الحلوة مش دليل وفا، وإن الوعود مهما كانت كبيرة ممكن تروح مع أول مصلحة. اتعلمت إن اللي بيحب بجد أفعاله هي اللي بتتكلم عنه، وإن وقت الشدة هو اللي بيكشف حقيقة كل واحد. شوفت وشوش اتغيرت، وناس كانت بتحلف إنها عمرها ما تسيبني ومشيت من غير حتى ما تبص وراها. مبقتش أستغرب من تغيير حد، ولا من غدر حد، لأن الدنيا كل يوم بتكشف ناس على حقيقتها. وغرهم إن الدنيا كانت ماشية معاهم، فافتكروا إنها هتفضل ليهم، ونسوا إن الأيام بتدور، وإن اللي بيتكبر على الناس ربنا قادر يوريه قد إيه هو ضعيف. أنا مش ندمان على الخير اللي عملته مع حد، لأن ده أصلي وتربيتي، لكن ندمان إني كنت بدي ناس أكبر من حجمها. والنهارده بقيت عارف إن راحتي أغلى من إني أجري ورا حد، وكرامتي أغلى من أي علاقة. اللي عايز يكمل معايا أهلاً بيه، واللي اختار يمشي ربنا يسهله طريقه، لأن اللي بيمشي مرة هيعرف يمشي ألف مرة. مبقتش مستني تقدير من حد، ولا معتمد على حد، وربنا شاهد إني عملت اللي عليا ومقصرتش مع حد. وطول ما ضهري متسند على ربنا، فأي حاجة في الدنيا تهون، وكل اللي كان فاكر إن كسرتي هتفرحه، هيعرف مع الوقت إن ربنا خير سند، وإن الزمن بيلف، وكل واحد هيشوف نتيجة أفعاله. 💯�

xx_sefo_x

Open In TikTok:

Region: EG

Thursday 09 July 2026 03:11:58 GMT