@sucolepo: Lansamentu Hatu’ur Fatuk Dahuluk ba Projetu PDIM 2026 Konstrusaun Postu Saúde iha Suco Ucecai Ucecai, Covalima — Projetu Dezenvolvimentu Integradu Munisípiu (PDIM) 2026 hahú ona ho lansamentu hatu’ur fatuk dahuluk ba konstrusaun Postu Saúde iha Suco Ucecai. Projetu ida-ne’e sai nu’udar pasu importante ida atu hadi’a asesu komunidade ba servisu saúde, liuliu ba komunidade sira ne’ebé hela iha área rural. Konstrusaun Postu Saúde ne’e iha objetivu atu lori servisu saúde besik liután ba komunidade, hodi fasilita asesu ba atendimentu saúde primária, prevensaun moras, edukasaun saúde, kontrolu saúde no servisu sira seluk ne’ebé komunidade presiza. Serimónia lansamentu hatu’ur fatuk dahuluk ne’e hala’o ho prezensa no partisipasaun husi reprezentante importante sira, inklui Ex-Cia SEDL, Sekretáriu PIDI, Diretór Saúde, Diretór SMPID no Diretór PNDS, hamutuk ho autoridade lokal no komunidade. Presensa husi entidade no instituisaun relevante sira hatudu katak dezenvolvimentu infraestrutura saúde iha área rural presiza koordenasaun, responsabilidade no komitmentu hamutuk, atu projetu ne’e bele fó benefísiu real ba komunidade. Postu Saúde iha Ucecai espera katak sei sai fatin importante ida ba komunidade atu hetan servisu saúde ho fasil liután, sem presiza halo viajen dook ba fatin seluk. Ho fasilidade ne’ebé besik, komunidade bele hetan atendimentu sedu no apropriadu, no bele hametin kultura prevensaun no kuidadu saúde iha família no komunidade. Iha implementasaun projetu ida-ne’e, qualidade konstrusaun no responsabilidade hamutuk sai aspetu importante. Mensajen ne’ebé mos sai hanesan prinsipiu ba implementasaun projetu mak: “Halo di’ak, halo de’it. Halo a’at, mak labele. ‘SESURAI’.” Mensajen ne’e hatudu katak projetu públiku tenke hala’o ho seriedade, transparénsia, responsabilidade no qualidade, tanba infraestrutura ne’e la’ós de’it ba tempu badak, maibé sei uza hodi fó servisu ba komunidade durante tinan barak. Komunidade Ucecae espera katak konstrusaun Postu Saúde ne’e sei lao tuir planu, padraun no qualidade ne’ebé determina, hodi garante katak osan públiku ne’ebé investe bele transforma sai infraestrutura ne’ebé útil no sustentável. Lansamentu hatu’ur fatuk dahuluk ne’e la’ós de’it marka hahú konstrusaun ida, maibé mos marka hahú hosi esperansa foun ba komunidade rural — katak servisu saúde sei besik liután, asesível liután no responde di’ak liután ba nesesidade povu. PDIM 2026 — Lori Dezenvolvimentu, Hametin Servisu Públiku, no Lori Saúde Besik liután ba Komunidade iha Área Rural. video kredit fB SEDL

Suco Lepo🇹🇱 🇹🇱🇹🇱🇹🇱🇹🇱

Open In TikTok:

Region: TL

Sunday 16 August 2026 11:19:55 GMT