@jolnaar.1: . ما كنت أعتبرها مجرد صديقة… كنت أعتبرها حياتي. كانت كل شيء بالنسبة لي، أول شخص أفكر فيه إذا صار شي حلو ، وأول شخص ألجأ له إذا ضاقت فيني الدنيا. كنت احسب إن وجودها في حياتي شيء ثابت، وإن مهما صار بيننا بنرجع لبعض، لأن المحبة اللي كانت لها كانت أكبر من أي مشكلة ممكن تصير بيننا لكن كنت غلطانة. ما كنت أتوقع إن أكثر شخص وثقت فيه، يكون هو أكثر شخص يعلمني معنى الخذلان. ما كنت أتوقع إن اليد اللي كنت أتمسك فيها، هي نفسها اللي بتتركني في نص الطريق كأن وجودي ما كان يعني لها شي. كنت ألوم نفسي كثير. كنت أدور على خطأ سويته، عن كلمة قلتها، عن سبب يخلي معاملتها لي بهذي الطريقة شي منطقي. لكن مع الوقت فهمت أنو بعض الناس يختارون يمشون بطريقتهم، واختياراتهم مو دائمًا انعكاس لقيمتك. في البداية كنت أتمنى ترجع. كنت أتمنى أسمع منها أي كلمة. لكن اليوم… ما صرت ابغى ارجع للمكان الي انكسرت فيه. تعلمت أن الصداقة الحقيقية ما تخليك تعيش في خوف، وما تخليك تسال نفسك كل يوم إذا كنت كفاية . لسه في أيام أتذكرها فيها ، وأبتسم ، بعدها أكمل طريقي. ما صارت الذكريات توقفني زي زمان . واليوم، إذا سألني أحد عنها، فـ ما بقول إنها كانت أسوأ شخص عرفته، لأن هذا مو صحيح . بأقول بس إنها كانت درس كبير في حياتي. علّمتني أنو مو كل الي حبيناهم كان مقدر لهم يبقوا، وان الثقة إذا انكسرت، ممكن تسامح، بس ما بترجع زي ما كانت. #fyppppppppppppppppppppppp #explore_اكسبلورر #baby_monster #اتكلم_عن_نفسي #foryou

˚₊‧ 𝓛𝓾𝓷𝓪‧₊🐾˚

Open In TikTok:

Region: SA

Wednesday 26 August 2026 10:27:22 GMT