နိဗ္ဗာန်ဆိုတာ ဝိပဿနာအဆုံးမှာ တွေ့နိုင်တယ်၊ ဝိပဿနာဆုံးရင် နိဗ္ဗာန်ရောက်နိုင်တယ်ဆိုတာ မှတ်ထားကြ ဝိပဿနာလုပ်ငန်းကမခဲယဉ်းဘူး လုပ်ချင်တဲ့ဆန္ဒနဲ့ ကြိုးကြိုးစားစားလုပ်ဖို့ပဲ အရေးကြီးတယ်၊ထမင်း ချက်ရင်လည်းလုပ်နိုင်တယ်၊ သွားရင်းလာရင်း လုပ်ရင်းကိုင်ရင်း စားရင်းသောက်ရင်းနဲ့လည်း လုပ်နိုင်တယ်၊ အိပ်ရင်းလည်းလုပ်နိုင်တယ်၊ ဘယ်အ ခါမဆို ဘယ်နေရာမဆို လုပ်ရင်ဖြစ်နိုင်တယ်၊ ဒါကြောင့် နိဗ္ဗာန်ရောက်ချင်တယ်ဆိုရင် မလွတ်အောင်ကြိုးစားရမယ်။ ခရီးသွားရင်းလည်းကြည့်ပေး၊ စားရင်းလည်းကြည့်ပေး၊ ဘယ်အခါမှမလစ်စေနဲ့၊(ဥပမာ) မျောက်အငြိမ်မနေသလိုပဲ၊ မျောက်ဟာဆော့ဂျွမ်းထိုး၊ သစ်ပင်တက်ဆိုသလို သူ့ကိုစောင့်ကြည့်ရင် အမျိုးမျိုးမြင်ရသလိုပဲ ခန္ဓာကိုစောင့်ကြည့်ရင် အမျိုးမျိုးအထွေထွေ ဖောက်ပြန်နေတာတွေကို မြင်ရမယ် ခန္ဓာမှာက ရုပ်ပျက်ရင်ရုပ်အစားထိုး၊ ဝေဒနာပျက်ရင်ဝေဒ နာအစားထိုး၊ သင်္ခါရပျက်ရင် သင်္ခါရ၊ စိတ်ပျက်ရင် စိတ်တစ်ခုအစားထိုးပြန်တာပဲ၊ အဲဒီမှာ ပျက်သွားတာက အနိစ္စ၊ အစားထိုးတာက သင်္ခါရ၊ ဒီသ ဘောဟာ ခန္ဓာကပြောတာ၊ သူပြောလူပြောမဟုတ်ပါဘူး၊ ခန္ဓာကိုစောင့်ကြ ည့်ရင် အနိစ္စတချက်၊ သင်္ခါရတချက်၊ ဒီနှစ်ချက်ကိုမြင်ရမယ်။ ခန္ဓာက" အနိစ္စာဝတသင်္ခါရာ" ပါတဲ့၊" အနိစ္စနဲ့သင်္ခါရ ဒီနှစ်ခုပဲလှည့်နေပါတယ်" တဲ့ဒါကိုဉာဏ်နဲ့စောင့်ကြည့်၊ ကြည့်ရင်သူ့သဘောကိုမြင်ရမယ်၊ အဲဒီလိုကြည့်ပေးနေရင်" သက္ကာယဒိဋ္ဌိ"လည်းပြုတ်တာပဲဆိုတာမှတ်ကြ။ ခန္ဓာငါးပါးကို မျောက်ရှင်တစ်ကောင်လို ဥပမာထားပြီး စောင့်ကြည့်ကြရမယ်၊ ဉာဏ်နဲ့စောင့်ကြည့်ရုံပဲ၊ ထူးထူးထွေထွေကြောင့်ကျစိုက်စရာမလိုဘူး၊ အဲဒီလိုစောင့်ကြည့်တာဟာ ဝိပဿနာပဲ၊ စောင့်ကြည့်နေရင် အနိစ္စနဲ့သင်္ခါရပဲ ရှိတယ်ဆိုတာသိရမယ်။ ဤခန္ဓာကိုယ် ရုပ်နာမ်တရားကိုဉာဏ်နဲ့စောင့်ကြည့်ကြ၊ အဖန်ဖန်စောင့်ကြည့်ပေးကြ၊ စောင့်ကြည့်ရင် ခန္ဓာငါး ပါးရဲ့သဘောကို သိလာလိမ့်မယ်၊ ပျက်တာရယ် အစားထိုးတာရယ် ဒါပဲရှိတာကိုသိရမယ်၊ ဒီလိုခန္ဓာသဘောအမှန်ကို သိရတဲ့အတွက် ဒုက္ခချုပ်ရာနိဗ္ဗာန်ကိုမျက်မှောက်ပြုနိုင်ကြမည်တဲ့။ “အစားထိုးတာသင်္ခါရ၊ ပျက်သွားတာကအနိစ္စ"၊ ဒီနှစ်ခုပဲလှည့်ပြနေတယ် ဘာပဲပေါ်ပေါ်ဒီနှစ်ခုပြမှာပဲ၊ အဲဒီလိုပြတာကို ဉာဏ်နဲ့မပြတ်မလပ် အထပ်ထပ်ကြည့်ပေးရမယ်၊ ကြည့်ဖန်များလာတော့ ခန္ဓာသဘောအမှန်ကို ဧကန်သိလာပြီး ဉာဏ်ကဒီခန္ဓာကို စွန့်လွတ်ချင်လာတယ်၊ မခင်မင်မနှစ်သက်တော့ဘူး အဲဒီလိုမလိုချင်လို့ မုန်းအားကြီးလာတော့ ခုနတုန်းကလာ နေတဲ့ အနိစ္စမလာတော့ဘူး၊ ဒီလိုသင်္ခါရနဲ့အနိစ္စကုန်သွားတော့- " တေသံဝူပသမောသုခေါ" ပဲ၊ တေသံ — ထိုပျက်သွားတာနဲ့အစားထိုးတာနှစ် ခုတို့၏ ဝူပသမော — မရှိခြင်းသည်၊ သုခေါ — နိဗ္ဗာန်ပဲတဲ့။ ဒကာ ဒကာမတို့ခန္ဓာမှာ သင်္ခါရနဲ့ အနိစ္စဒီနှစ်ခုသာရှိတယ်၊ ဒီအရှိကိုသိမှ နိဗ္ဗာန်ရကြမယ်၊ ဒီသင်္ခါရနဲ့ အနိစ္စကိုတွေ့ရင် ဒီလမ်းအတိုင်းလိုက်သွား၊ လိုက်သွားလို့ဆုံးရင် ဆုံးတဲ့နေရာ အင်္သခတနိစ္စနိဗ္ဗာန်ကို တွေ့မယ်ဆိုတာမှတ်ထားကြ။ ကျေးဇူးတော်ရှင်မိုးကုတ်ဆရာတော်ဘုရားကြီး🙏 ပြန်လည်မျှဝေပူဇော်ပါသည်🙏🙏🙏 #မိုးကုတ်ဆရာတော်ဘုရားကြီး🙏🙏🙏 #fpyツ #foryourpage #tiktop2026 #viraltiktok - @hyeingyi