@hnin.akari384: #“ကိုယ့်စိတ်အေးချမ်းလာတဲ့အခါ…မကိုက်ညီတဲ့လူတွေနဲ့ ဝေးသွားတာကို ဆုံးရှုံးမှုလို့ မမြင်တော့ဘူး။” 🍀🩵 ◾တကယ်တော့ ဘဝမှာ လူတိုင်းနဲ့ အဆင်ပြေအောင် နေဖို့ဆိုတာ လွယ်ကူတဲ့ ကိစ္စတော့ မဟုက်ပါဘူး။ လူတိုင်းရဲ့ စိတ်ကို နားလည်ပေးနိုင်ဖို့ကလည်း တကယ်မလွယ်ကူပါဘူး။ ကိုယ်က ဘယ်လောက်ပဲ ကောင်းကောင်း ကိုယ့်ကို မကြိုက်တဲ့သူတွေက အများကြီးပါ။ ကိုယ်က ဘယ်လောက်ပဲ ရိုးသားရိုးသား ကိုယ့်ရဲ့ ရိုးသားမှုကို မယုံတဲ့သူလည်း ရှိနိုင်တယ်။ ဒါတွေကို နားလည်လာတဲ့အခါမှာ လူတိုင်းကို ကျေနပ်အောင် ကြိုးစားနေခြင်းကနေ တဖြည်းဖြည်း လွတ်မြောက်လာပါလိမ့်မယ်။ ◾တစ်ခါတလေ… စိတ်အေးချမ်းဖို့ လိုအပ်တာက လူတွေကို ပြောင်းလဲပစ်ဖို့ မဟုတ်ဘူး။ ကိုယ့်တုံ့ပြန်ပုံကို ပြောင်းလဲပစ်လိုက်ခြင်းပါ။ တစ်ယောက်ယောက်က အမြဲတမ်း အဆိုးဘက်ကပဲ ပြောနေတယ်ဆိုရင် ကိုယ်က အဲဒီစကားတိုင်းကို အတွင်းထဲထည့်ထားစရာ မလိုပါဘူး။ တစ်ယောက်ယောက်က မကျေနပ်မှုနဲ့ ကိုယ့်ကိုကြည့်ရင် သူ့မျက်လုံးထဲက အရိပ်ကို ကိုယ့်နှလုံးသားပေါ် မတင်ထားမိဖို့ပါ။ သူများရဲ့ စိတ်အခြေအနေဟာ အမြဲတမ်း ကိုယ့်တာဝန် မဟုတ်ဘူးဆိုတာကို သိဖို့လိုလိမ့်မယ်။ ◾သူများရဲ့ မကျေနပ်မှုကို ကိုယ်က တစ်သက်လုံး ဖြေရှင်းပေးနေရမယ့် အကြောင်းလည်း မရှိပါဘူး။ "Not every negativity deserves your attention." ပါ။ ကိုယ့်ဘဝမှာ အရေးကြီးတာက ဘယ်သူ့ကို အနိုင်ရခဲ့သလဲ မဟုတ်ပါဘူး။ ဘယ်လောက်အေးချမ်းစွာ ကိုယ့်ဘဝကို ဆက်လျှောက်နိုင်ခဲ့သလဲ ဆိုတာကို သတိရနေဖို့ပါ။ ဘဝမှာ အရွယ်ရလာတဲ့အခါ စကားလုံးတိုင်းကို ပြန်ပြောနိုင်တာထက်စာရင် စကားမပြောဘဲ နေနိုင်တာကို ပိိုတန်ဖိုးထားပါ။ ရှင်းပြနိုင်တာထက် ရှင်းပြစရာမလိုတော့တဲ့အထိ ဆက်ဆံရေးတွေကို ပိုတန်ဖိုးထားဖို့ပါ။ အငြင်းပွားမှုကို အနိုင်ယူဖို့ထက် စိတ်အေးချမ်းမှုကို မဆုံးရှုံးဖို့သာ ပိုရွေးချယ်ရမယ်။ ◾ဒါဟာ တကယ်တမ်းတော့ ကိုယ့်စိတ်ကို ကိုယ်သိလာတာပါ။ တကယ်တော့ Positive ဖြစ်တယ်ဆိုတာလည်း အရာရာကို ပြုံးပြီး ခံနေရတာမျိုး မဟုတ်ပါဘူး။ နာကျင်ရင် နာကျင်တယ်လို့ ဝန်ခံနိုင်တယ်။ မကြိုက်ရင် မကြိုက်ဘူးလို့ သိရမယ်။ မသင့်တော်ဘူးထင်ရင် အဝေးဆုံး အကွာအဝေးမှာ ထားဖို့လိုတယ်။ ဒါပေမယ့် အမုန်းနဲ့တော့ မနေပါနဲ့။ လက်စားချေဖို့လည်း ဘယ်တော့မှ မစဉ်းစားသင့်ဘူး။ ကိုယ့်စိတ်ထဲမှာ သူများအတွက် အဆိပ်တွေကို အမြဲစုမထားဖို့ လိုပါတယ်။ "That is emotional maturity." ပါ။ ◾တစ်ချို့လူတွေဟာ ကိုယ့်ဘဝထဲမှာ အမြဲရှိနေဖို့အထိ မလိုအပ်ပါဘူး။ တစ်ချို့ဆက်ဆံရေးတွေက အကွာအဝေးရှိမှ ပိုကျန်းမာလာတာပါ။ တစ်ချို့စကားတွေကိုတော့ မကြားတော့မှ စိတ်က ပိုတိတ်ဆိတ်ကြရတာ။ တစ်ချို့နေရာတွေကနေ ထွက်လာပြီးမှ ကိုယ်ဘယ်လောက် ပေါ့ပါးသွားသလဲဆိုတာ သိနိုင်တာမျိုးပါ။ ဒါကြောင့်မို့… ကိုယ့်အနားမှာ နေချင်တဲ့သူတွေကို မေတ္တာပေးနိုင်ဖို့၊ ကိုယ့်ကို တန်ဖိုးထားတဲ့သူတွေကို တန်ဖိုးထားပေးနိုင်ဖို့သာ အဓိကကျပါတယ်။ ဒါပေမယ့် ကိုယ့်စိတ်ကို အမြဲပင်ပန်းစေတဲ့ နေရာမှာတော့ ကိုယ့်ကို အကြာကြီး မထားမိပါနဲ့။ "Peace is also a choice." ပေါ့။ ◾ဘဝမှာ အောင်မြင်မှုဆိုတာ အများကြီး ရရှိခြင်းတစ်ခုတည်း မဟုတ်ပါဘူး။ တစ်ချို့အရာတွေကို မလိုတော့တဲ့အထိ ရင့်ကျက်လာခြင်းလည်း အောင်မြင်မှုပါ။ တစ်ချို့စကားတွေကို မတုံ့ပြန်တော့တာ၊ တစ်ချို့လူတွေရဲ့ အမြင်ကို ကိုယ့်တန်ဖိုးနဲ့ မချိန်တော့တာ၊ တစ်ချို့အရာတွေကို ခွင့်လွှတ်ပြီး ကိုယ့်လမ်းကို ကိုယ်ဆက်လျှောက်တာ ဒါတွေဟာ အောင်မြင်မှုပဲ။ အဲဒီအရာတွေက အသံမကျယ်ပေမယ့် ဘဝအတွက် အလွန်ကြီးမားတဲ့ အောင်မြင်မှုတွေပါ။ ◾ဒါကြောင့်မို့… အကောင်းမြင်စိတ်ကို မွေးမြူနိုင်သလောက် မွေးမြူဖို့ပါ။ ဒါပေမယ့် အဆိုးမြင်မှုတွေကိုလည်း မျက်စိမှိတ်ပြီး ခံနေရမယ်လို့ မထင်ပါနဲ့။ နူးညံ့အောင် နေလိုရပါတယ်။ ဒါပေမယ့်လည်း ကိုယ့်နယ်နိမိတ်ကိုတော့ သိရပါမယ်။ မေတ္တာရှိအောင် နေထိုင်လို့ ရပါတယ်။ ဒါပေမယ့်လည်း ကိုယ့်တန်ဖိုးကိုတော့ မပျောက်ကွယ်သွားပါစေနဲ့ပေါ့။ လူကောင်းဖြစ်အောင်လည်း နေလို့ရပါတယ်။ ဒါပေမယ့် လူတိုင်းရဲ့ စိတ်ကျေနပ်မှုအတွက်တော့ ကိုယ့်ဘဝကို မစွန့်လွှတ်မိဖို့က ပိုအရေးကြီးပါတယ်။ ◾အမှန်မှာ… ကိုယ့်ဘဝဟာ လူတိုင်းကို သက်သေပြဖို့ ရေးထားတဲ့ စာအုပ်တစ်အုပ်လည်း မဟုတ်ပါဘူး။ ကိုယ်တိုင်က စိတ်အေးချမ်းစွာ ဖတ်နိုင်ဖို့ ရေးသားရတဲ့ ဘဝစာအုပ်တစ်အုပ်ပါ။ "Be so positive that negativity cannot control your peace. Be so grounded that other people's opinions cannot move you." ပါ။ တစ်နေ့မှာ ကိုယ့်အတွင်းစိတ်က အေးချမ်းလာလေလေ… ကိုယ့်ကို မကိုက်ညီတဲ့ လူတွေ၊ စကားတွေ၊ နေရာတွေက အလိုလို အကွာအဝေးတစ်ခု ဖြစ်လာပါလိမ့်မယ်။ အဲဒီအကွာအဝေးကို အထီးကျန်ခြင်းလို့ မခေါ်ပါနဲ့။ တစ်ခါတလေ… ဒါဟာ ကိုယ့်စိတ်အတွက် ပေးလိုက်တဲ့ အနူးညံ့ဆုံး လွတ်လပ်ခွင့်တစ်ခု ဖြစ်နေနိုင်လို့ပါ။ ချစ်ခြင်းများစွာဖြင့်။ — Professor Dr Sai Naw Jar "ကိုယ့်စိတ်အေးချမ်းလာတဲ့အခါ…မကိုက်ညီတဲ့လူတွေနဲ့ ဝေးသွားတာကို ဆုံးရှုံးမှုလို့ မမြင်တော့ဘူး။” Sat. 12.9. 2026💜

Htet Akari 1998 👸

Open In TikTok:

Region: SG

Saturday 12 September 2026 09:51:26 GMT