27 Sentyabr — Vətən uğrunda canını fəda edən qəhrəmanlarımızın əziz xatirəsini dərin ehtiramla yad etdiyimiz gündür. Bu gün hər bir şəhidimizin qarşısında baş əyirik. Onlar yarımçıq qalan arzularını, sevdiklərini, ailələrini geridə qoyaraq Vətənin çağırışına səs verdilər. Bəziləri övladının üzünü son dəfə gördü, bəziləri anasının əlindən son dəfə öpdü, bəziləri isə geri dönəcəyinə söz verib əbədi olaraq Vətən torpağına qovuşdu. Bu gün dalğalanan üçrəngli bayrağımızda onların qanı, qazandığımız qələbədə onların canı, azad nəfəsimizdə onların əmanəti var. Şəhidlər ölmür. Onlar Vətən yaşadıqca, bayraq dalğalandıqca, bu torpaqda Azərbaycan adı səsləndikcə yaşayacaqlar. Allah bütün şəhidlərimizə rəhmət eləsin. Geridə qoyduqları ailələrə səbr versin. Ruhları qarşısında baş əyirik. 🇦🇿#göyçay#anımgünü #dəmiryumruq👊 - @ibvo.98