រដូវកាលបុណ្យភ្ជុំបិណ្ឌ! ឧបនាយករដ្ឋមន្រ្តី ស សុខា រដ្ឋមន្រ្តីក្រសួងមហាផ្ទៃ បានចេញបទបញ្ជាឲ្យកម្លាំងនគរបាលចរាចរណ៍ទូទាំងប្រទេស ត្រូវផ្អាកការចាប់ផាកពិន័យបទល្មេីសចរាចរណ៍មួយចំនួននៅលេីដងផ្លូវ។ នៅក្នុងចំណោមបទល្មេីសចរាចរណ៍ដែលតម្រូវឲ្យផ្អាកនោះរួមមានទាំងការចាប់ល្បឿនហួសកំណត់ ដែលនៅលេីបណ្តាញសង្គម តែងតែឃេីញបងប្អូនបានចែកចាយជាច្រេីន។ លោក ទូច សុខ: អ្នកនាំពាក្យក្រសួងមហាផ្ទៃ បានបញ្ជាក់ថា ក្រោយពិភាក្សាជាមួយថ្នាក់ដឹកនាំក្រសួង, អភិសន្តិបណ្ឌិត ស សុខា បានណែនាំឲ្យផ្អាកបណ្តោះអាសន្នចំពោះការចាប់ផាកពិន័យបទល្មេីសចរាចរណ៍លេីដងផ្លូវមួយចំនួន ពោលទុកតែ ២បទល្មេីសប៉ុណ្ណោះ ដែលនគរបាលចរាចរណ៍នៅបន្តចាប់ផាក គឺបេីកបញ្ច្រាស់ទិសចរាចរណ៍ និងការរំលោភភ្លេីងសញ្ញាចរាចរណ៍។ សូមបងប្អូនដែលធ្វេីដំណេីរទៅតាមខេត្ត នារដូវកាលបុណ្យភ្ជុំបិណ្ឌនេះ ត្រូវបង្កេីនការប្រុងប្រយ័ត្ន ចៀសវាងកេីតគ្រោះថ្នាក់ ហេីយត្រូវរួមគ្នាគោរពច្បាប់ចរាចរណ៍ឲ្យបានម៉ឺងម៉ាត់ និងប្រសិទ្ធភាព បេីទោះបីបទល្មេីសចរាចរណ៍មួយចំនួន ត្រូវបានផ្អាកក៏ដោយ សំខាន់បេីកបរឲ្យមានសុវត្ថិភាពដេីម្បីខ្លួនឯង គ្រួសារ និងអ្នកដទៃ។ នៅលេីផ្លូវជាតិដែលបងប្អូនធ្វេីដំណេីរទៅតាមខេត្ត, បេីសិនឃេីញគោលដៅណាមួយដាក់ប៉ុស្តិ៍ត្រួតពិនិត្យចាប់ផាកល្បឿនទៀត សូមបងប្អូនយកវីដេអូនេះឲ្យនគរបាលចរាចរណ៍ស្តាប់ និងប្រាប់ថានេះជាការណែនាំរបស់រដ្ឋមន្រ្តីមហាផ្ទៃ ចៀសវាងមន្រ្តីខ្លះនៅបន្លំ និងធ្វេីខុសគោលការណ៍របស់ថ្នាក់ដឹកនាំ។ សូមជូនពរបងប្អូនមានសុវត្ថិភាពតាមផ្លូវ និងជួបតែសំណាងល្អ ក្នុងឱកាសបុណ្យភ្ជុំបិណ្ឌនេះ។ - @sopheakfn