@musinga_: PART 1 GIHANGA Dufite igihango twarazwe: gukunda u Rwanda, kururinda no kurwubaka. Icyo gihango si amagambo yo kuvugwa ku munwa gusa; ni inshingano igomba kugaragarira mu bikorwa, mu mibanire yacu no mu buryo dufata mugenzi wacu nk’Umunyarwanda mugenzi wacu. Ntitukemere ko amacakubiri yongera kubona indiri mu mitima yacu. Ntitukemere ko ibyo twarazwe n’amateka biba intwaro yo kutugabanya, ahubwo tubigire isoko y’ubwenge bwo kubana. Kuko igihugu ntigihindurwa n’amagambo gusa; gihindurwa n’abantu bafite umutima wo kukirinda. Rubyiruko rw’u Rwanda, tugire ubutwari bwo gukunda igihugu tutagitatira, tukirinde kugihemukira, kandi duharanire ko abato bazadukomokaho bazasanga u Rwanda ari igihugu cy’ubumwe, amahoro n’icyizere. Igihango cyacu ni u Rwanda. Kurukunda ni inshingano; kururinda ni umurage; kurwubaka ni inshingano yacu.