@khin.nyein.swe38: မြန်မာပြန်မလာနဲ့ Singapore မှာပဲ ဆက်နေ ဒါမှမဟုတ် တခြားနိုင်ငံမှာ အပြီးနေလိုက် ဒီစကားကို အခုနောက်ပိုင်း မကြာခဏကြားရတယ်။ နိုင်ငံအခြေအနေကြောင့် အဲ့လိုပြောကြတာကိုလည်း နားလည်ပါတယ်။ ဒါပေမယ့် ကျွန်မရဲ့ ဆုံးဖြတ်ချက်ကတော့ မြန်မာကို သေချာပေါက် ပြန်မှာပါ ပြန်ပြီး ဘာလုပ်မှာလဲ လို့ မေးလာရင် လူနဲ့ပညာ မသေသရွေကတော့ ရွေးချယ်စရာတွေ အမြဲရှိနေဦးမယ်လို့ ယုံကြည်တယ်။ ကိုယ်သတ်မှတ်ထားတဲ့ အချိန်ကာလအတွင်း ပြည်ပမှာနေရင်း မိဘတွေရဲ့ ဖြစ်ချင်တာလေးတွေကို တစ်ခုချင်းစီ ဖြည့်ဆည်းပေးချင်တယ်။ ပြန်ရောက်သွားရင်တော့ အတူတူ ခရီးထွက်ချင်တယ်။ အတူတူ စားချင်တယ်။ အတူတူ ရယ်မောချင်တယ်။ ပြီးတော့ သူတို့နဲ့ တစ်နိုင်ငံတည်းမှာ နေပြီး အိုမင်းချင်တယ်။ လူတိုင်းမှာ ကိုယ့်ဘဝလမ်းကိုယ် လျှောက်ရတာမှန်ပါတယ်။ ဒါပေမယ့် တစ်နေ့ မိဘတွေ မရှိတော့မှ ငါ အလုပ်တွေလုပ်ခဲ့တယ် ဒါပေမယ့် အချိန်မပေးလိုက်ရဘူး ငါ ပြန်လာချင်ခဲ့ပေမယ့် မပြန်လိုက်ရဘူးဆိုတဲ့ နောင်တတွေနဲ့ အော်ငိုပြီး ကျန်ရစ်မနေချင်ဘူး။ ပိုက်ဆံဆိုတာ ဘယ်နေရာမှာပဲဖြစ်ဖြစ် ထပ်ရှာလို့ရတယ်။ အခွင့်အရေးတချို့လည်း ထပ်ရနိုင်တယ်။ ဒါပေမယ့်မိဘတွေနဲ့ အတူရှိခွင့်ရတဲ့ အချိန်ကိုတော့ ဘယ်အရာနဲ့မှ ပြန်ဝယ်လို့မရဘူး။ ဒါကြောင့် ကျွန်မအတွက် အောင်မြင်မှုရဲ့ အဓိပ္ပာယ်က နိုင်ငံခြားမှာ အမြဲတမ်းနေနိုင်တာ မဟုတ်ဘူး။ နုပျိုမှုနဲ့ ငယ်ရွယ်မှုရဲ့ တစ်စိတ်တစ်ပိုင်းကိုတော့ အိပ်မက်တွေအတွက် ပြည်ပမှာ ပေးဆပ်မယ်။ ဘဝရဲ့ စိတ်ချမ်းသာမှုကိုတော့ ကိုယ့်မိသားစုနဲ့အတူ အမိမြေမှာပဲ ရှာချင်တယ်။ မိဘတွေရဲ့ အိုမင်းချိန်မှာ အဝေးတစ်နေရာက ဖုန်းဆက်ပြီး လွမ်းနေသူ မဖြစ်ချင်ဘူး အနားမှာရှိပြီး လက်တွဲပေးနိုင်တဲ့ သားသမီးပဲ ဖြစ်ချင်တယ်။ လူတိုင်းရဲ့ ရွေးချယ်မှုက မတူနိုင်ပါဘူး။ ဒါက ဘယ်သူမှန်တယ်၊ ဘယ်သူမှားတယ်ဆိုတဲ့ အကြောင်းလည်း မဟုတ်ဘူး။ ဒါဟာ ကျွန်မ နောင်တမရချင်လို့ ရွေးချယ်ထားတဲ့ ဘဝလမ်းပါ။ ဘာလို့လဲဆိုတော့ မိဘတွေရှိနေတဲ့ အချိန်က ပြန်ရနိုင်တဲ့ အချိန်မဟုတ်ဘူးလေ မိဘတွေနဲ့ နောင်တမရှိဘဲ နေခွင့်ရတာကလည်း ကျွန်မအတွက်တော့ အကြီးမားဆုံး အောင်မြင်မှုတွေထဲက တစ်ခုလို့ သတ်မှတ်ထားလို့ပါ #crdစာသား #motivationalquotesforlife #misshome #fyp

507

2026-10-02 05:21:14

2026-10-02 03:59:41

2026-10-02 03:32:47

2026-10-02 07:49:44

To see more videos from user @khin.nyein.swe38, please go to the Tikwm homepage.