@faiza_alkhatib: 🍂🥕 كيكة الجزر والجوز بنكهة القرفة على طريقتي 🍰❤️ كيكة خريفية هشة وطرية، ريحتها بتعبي البيت وطعمها ولا أطيب 😍 📝 المقادير: * 4 بيضات * كاسة سكر * كاسة حليب * ¾ كاسة زيت نباتي * 3 كاسات طحين * كاسة جزر مبشور * كاسة جوز مجروش * ملعقة طعام قرفة * ظرفين فانيلا * ظرفين باكينج باودر * رشة ملح * نص ملعقة صغيرة خل أبيض ملاحظة: استخدمت نفس الكاسة لقياس جميع المقادير. 👩‍🍳 طريقة التحضير: أول شي منخفق البيض مع السكر والفانيلا منيح لحتى يصير الخليط فاتح اللون ورغوي وينفش. بعدها منضيف الزيت والحليب ومنخفق شوي، ومنضيف رشة الملح والخل. منضيف الطحين والباكينج باودر ومنخلط بهدوء بس لحتى تتجانس المكونات، من دون خفق زيادة. بالأخير منضيف الجزر المبشور والجوز والقرفة، ومنقلبهم منيح لحتى يتوزعوا بالخليط. مندهن قالب الكيك بالطحينة أو بالزيت مع رشة طحين، ومنسكب الخليط ومنخبط القالب خبطات خفيفة حتى تطلع فقاعات الهوا الكبيرة. 🔥 طريقة الخَبز: مندخل الكيكة على فرن محم​ى مسبقاً على حرارة 180 درجة لمدة 40 دقيقة تقريباً، حسب نوع الفرن. إذا الفرن بيشتغل من تحت لحاله، منخبزها من تحت وبآخر الدقايق منشغ​ل من فوق إذا احتاج الوجه يتحم​ر. وإذا بيشتغل من فوق وتحت مع بعض وكانت الحرارة العلوية قوية، ممكن نحط صينية فرن فاضية على الرف اللي فوق الكيكة لتخفيف الحرارة المباشرة. منتأكد من الاستواء بعود خشبي، إذا طلع نظيف بتكون جاهزة. منتركها تبرد شوي ومنقدمها مع كاسة شاي أو قهوة ☕🍂 وصحتين وألف هنا على قلوبكم ❤️ ولا تنسوني من متابعتكم الحلوة 🌷 #اكلة_من_القلب #fypシ゚ #كيك#كيكة_الخريف

أكلة من القلب👩🏻‍🍳🤍

Open In TikTok:

Region: DE

Tuesday 13 October 2026 16:30:23 GMT