ကျွန်မလဲ ရက်စက်တတ်ပါတယ်... သည်းခံနေတာပဲဆိုပြီး ဖိဖိမနင်းချင်စမ်းပါနဲ့... အလျှော့ပေးနေတာပဲဆိုပြီး ခဏခဏအနိုင်မယူစမ်းပါနဲ့ သိပ်ချစ်တာပဲဆိုပြီး အချိန်တွေအကြာကြီး ပစ်ပစ်မထားနဲ့ ကျွန်မက သည်းခံတတ်သလို ပေါက်ကွဲတတ်တယ် ပြီးတော့ သိပ်ချစ်တတ်သလို ရက်စက်တတ်တယ် ။ နာကျင်ပါစေတော့ဆိုပြီး ကိုယ့်ဖက်ကစပြီး မယုတ်မာတာကလွဲရင် ခံရပါများရင် ကျွန်မစိတ်က သိပ်ပြီးတော့မှတော့ သည်းမခံတတ်ဘူး ။ နာကျင်အောင် လုပ်လို့ရတယ် ဒါပေမယ့် ခဏခဏတော့ မဟုတ်ဘူး ။ အသုံးချသွားလို့ရတယ် အကြိမ်ကြိမ်တော့ မဟုတ်ဘူးပေါ့ ။ ကိုယ်ထိလက်ရောက် နာကျင်သွားအောင် လုပ်ဖို့လား ကျွန်မ လုပ်တတ်တယ် ။ စကားလုံးတွေနဲ့ စိတ်တွေ နာသွားစေချင်တာလား ကျွန်မ ပြောတတ်တယ် ။ မရက်စက်ချင်သေးတာပါ ။ ပြီးတော့... ကိုယ့်ကြောင့် ဘယ်တစ်ဦးတစ်ယောက်ကိုမှ မထိခိုက်မနစ်နာစေချင်လို့ ကိုယ်နာကျင်ရသမျှ ကိုယ် အစာအိမ်နာသွားတာမှ မဟုတ်တာဆိုတဲ့စိတ်နဲ့ မြိုချပစ်လိုက်တာ ။ အရမ်းများလာတဲ့တစ်နေ့ကျရင်တော့ ပွင့်အံထွက်လာမိမှာပါပဲ ။ အဲ့ဒီနေ့ရက်တွေရောက်မှ... ဒီကောင်မလေးက လုပ်ရက်လိုက်တာ ရက်စက်လိုက်တာ အသည်းမာလိုက်တာဆိုတဲ့ ခေါင်းစည်းအမျိုးမျိုးတွေ မတပ်ပါနဲ့ ...တချိန်လုံးကောင်းအောင်နေခဲ့သမျှကို အလာဟသမဖြစ်ချင်လို့သာ အကောင်းဆုံး နေထိုင်နေမိတာပါ ။ အခုလက်ရှိ စိတ်တွေဟာ အရင်လို အေးချမ်းမနေဘူးလေ ။ အစစအရာရာကလဲ အမှန်ပြောရရင် အဆင်ပြေနေခဲ့တာမဟုတ်ဘူး ။ အပူတွေထပ်ပြီးပေးရင် ကိုယ်ဘယ်လောက်ချစ်တဲ့လက်ပဲ ဖြစ်ဖြစ် ဖြုတ်ချပစ်ခဲ့မှာပါ ။ ဒဏ်ရာတွေထပ်ပြီးပေးရင် ကိုယ်ဘယ်လောက်တွယ်တာတဲ့ အရပ်ပဲ ဖြစ်ဖြစ် လှည့်ထွက်ခဲ့မိမှာပါ ။ ဒီအချိန်မှာ ကျွန်မကိုယ် ကျွန်မ ဘာဖြစ်နေလဲဆိုတာတောင် ကိုယ့်ကိုယ်ကိုယ် ထိန်းချုပ်မနေနိုင်တဲ့အခါ အရာရာဟာ ထိလွယ် ရှလွယ်လွန်းပါတယ် ။ ပစ်ထားတဲ့ရက်တွေကို မမြင်ပဲ နေနိုင်သွားတဲ့အခါမှ နေနိုင်လေခြင်းဆိုတဲ့ အပြစ်တွေမြင်တတ်ကြတာပါပဲ မြင်ပါစေ... တစ်ကြိမ်တစ်ခါတော့ ကျွန်မလဲ ရက်စက်ချင်တယ် သူနာကျင်ရသည်ဖြစ်စေ မနာကျင်ရဘူးဖြစ်စေ တချိန်က သူနေနိုင်ခဲ့သလို ကျွန်မလဲ ပြန်နေနိုင်ချင်တယ် ။ မဆက်တဲ့ဖုန်းကို မဆက်တဲ့အတိုင်းထားပြီး မခေါ်ချင်တဲ့ မိတ်ဆွေတွေကို မခေါ်တော့တဲ့အတိုင်းပဲ ထားမယ် ။ တွယ်တာလွန်းရင် ဒဏ်ရာများတယ်လေ။ ပြီးတော့ အလျှော့ပေးလွန်းရင် အနိုင်ယူတတ်လွန်းတယ် ။ ပြတ်လဲ ပြတ်ပါစေတော့ အထီးကျန်လဲ ကျန်ပါစေတော့ ဒဏ်ရာဒဏ်ချက်တွေများပြီ ငိုရတဲ့မျက်ရည်တွေလဲ ခမ်းလုနီးနီးဖြစ်နေပြီ ။ ဒီတစ်ကြိမ် နာကျင်ပြီး ကျန်ခဲ့ရမယ့်လူက ကျွန်မက မဖြစ်ချင်တော့ဘူး ။ ရက်ရက်စက်စက် ချန်ခဲ့မယ့်သူက ကျွန်မ ဖြစ်ချင်တယ်...... #စာသားcrd #fyp #viralvideo #view #tiktok - @eihtun23