منظور احمد پښتین په هاګ کې د نړیوالې جزایې محکمې په ستره ډیپلوماتیکه غونډه کې له نړیوالې ټولنې د نړیوال اقدام غوښته وکړه: له پاکستان سره خپلې مرستې وځنډوئ! پښتانه د جګړې قربانیان نه، د سولې، عزت او خپلواک ژوند حق لرونکي انسانان دي! ——————————————————- د پاکستان پوځ ترهګرې ډلې جوړوي، تمویلوي او روزلې دي: په هاګ کې د پې ټې اېم د مشر لخوا سخت تورونه. د پښتو ژغورنې غورځنګ مشر منظور پښتین له اوږدې چوپتیا وروسته د هاګ په یوه نړیوال کنفرانس کې راڅرګند شو. هغه دې غونډې ته په انلاین وینا کې پاکستانی پوځ او استخبارات اې ایس اې تورن کړل، چې د پښتونخوا پر کانونو بډایه سیمو کې د ترهګرۍ پر ضد د مبارزې په نوم جعلي جګړې پیلوي، ځایي خلک بېځایه کوي او په دې توګه شتمنۍ لوټي. دې ناسته کې د بېلابیلو هېوادونو دېپلوماتان، حقوقپوهان، د بشري حقونو فعالان، د مدني ټولنې استازي، د پوهنتونونو استادان او خبریالان راټول شوي وو، چې د افغانستان ګڼې پېژندل شوې څېرې هم په کې وې. د دغه کنفرانس تنظیموونکي وايي؛ نړۍ کې شخړې ډېرې شوې چې نړیوال قوانین، بشري حقونه او دېپلوماسي یې تر فشار لاندې راوستې. منظور احمد پښتین له نړیوالې ټولنې غوښتي: له پاکستان سره خپلې مرستې وځنډوئ، تر څو د پښتنو د وینې تویولو او د بشري حقونو د سرغړونو حساب ورکړي! د پښتنو وینه نور د چوپتیا تر سیوري لاندې مه تویوئ! پښتانه د جګړو د قرباني کېدو، جبري بې‌ځایه کېدو او د خپلو حقونو د تر پښو لاندې کېدو لپاره نه دي پیدا شوي؛ هغوی د سولې، آزادۍ، عزت او خپلواک ژوند حق لري. نړیواله ټولنه دې چوپتیا ماته کړي؛ عدالت دې پلی شي، د پښتنو غږ دې واورېدل شي او د هرې ادعا شوې سرغړونې مسوولین دې حساب ورکړئ. موږ د هغو پوځي عملیاتو، جبري بېځایه کولو، ناقانونه وژنو او ورکېدنو پر وړاندې غږ پورته کوو، چې ملکي وګړي یې قرباني کېږي. د ترهګرۍ پر ضد مبارزه باید د خلکو د ساتنې وسیله وي، نه د هغوی د ځپلو، وېرولو او شړلو پلمه. تر کومه به پښتانه د جګړو قرباني کېږي؟ تر کومه به میندې د خپلو ورکو اولادونو په تمه وي. زموږ غوښتنې روښانه دي: د پښتنو وینه باید د چا د سیاسي موخو، پوځي ستراتیجیو او اقتصادي ګټو وسیله نه شي. عدالت، حقیقت او حساب ورکول د هر انسان حق دی! منظور پښتین د هاګ عدالت ډیالوګ ناسته یا په نړیوال سټېج کې پاکستان او په غونډه کې ناست پاکستانی پلاوي سخت وشــرماوه، دوی د احتجاج په ډول له غونډې ووتل، ځکه د دوی دومخي توره څېره نړۍ ته بربنډه شوه! د هاګ عدالت ډیالوګ دغه نړیواله ناست د نړۍ د خبرې سرویسونو او سرلیکونو سرلیک ګرځیدلي ده. مکمله وینا په پښتو اوریدلي شئ. #پښتون_ژغورنې_غورځنګ #منظور_پښتین #پښتانه #د_پوځي_عملیاتو_مخالفت #بشري_حقونه @Usman Afridi @Manzoor Ahmad Pashteen - @pashton953