@doaa910.9: #اقتباسات_عبارات_خواطر

حمدة💎 :

مرات نعطي من خاطرنا، ونوقف مع أشخاص في أصعب ظروفهم، ونكون لهم السند والأمان واليد اللي يتمسكون فيها يوم تضيق عليهم الدنيا، ونحسب إن هالمواقف بتظل محفورة في قلوبهم. لكن مع الأيام نتعلّم إن مب كل شخص نوقف معاه يعرف قيمة وقفتنا، ومب كل قلب نعطيه من صدقنا يعرف يحافظ علينا. عشان جي، لا تستنزف روحك وأنت تحاول تثبت مكانتك عند أحد، ولا تتعب عمرك عشان تكون أولوية في حياة شخص يشوفك مجرد خيار. عطِ بمحبة، ووقف بصدق، لكن لا تنسى نفسك وسط عطائك. اللي يقدّرك بيحفظ خاطرك، واللي يعزّك ما بيخلّيك دوم تتساءل عن مكانتك عنده. كرامتك مب في إنك تتمسك بالناس مهما صار، كرامتك في إنك تعرف متى توقف، وتنسحب بهدوء، وتترك لكل شخص اختياره، من غير عتاب طويل ولا محاولات لإثبات قيمتك. والأجمل إنك تطلع من حياة الناس بقلب نظيف، من غير ما تنكر الأيام الحلوة، لكن بعد من غير ما تسمح للماضي يستنزف حاضرك. لأنك تستاهل علاقة يكون فيها العطاء متبادل، والاهتمام واضح، والمكانة محفوظة من غير ما تضطر تحارب عشانها🔕