@mor_pakistan: وفاقی وزیر ریلوے محمد حنیف عباسی نے راولپنڈی ریلوے اسٹیشن پر عوام ایکسپریس کی نئی اور جدید ری فربشڈ ریک کا افتتاح کر دیا۔ عوام ایکسپریس کو اے اے انٹرپرائزز کے اشتراک سے آؤٹ سورس کیا گیا ہے، جس کے تحت مسافروں کو جدید سہولیات سے آراستہ ری فربشڈ ریک اور نئی ڈائننگ کار فراہم کی جائے گی۔ عوام ایکسپریس میں اکانومی کلاس کے مسافروں کے لیے کرایوں میں 25 فیصد خصوصی رعایت بھی متعارف کرائی گئی ہے، جبکہ ٹرین میں مجموعی طور پر سروس کے معیار اور سفری سہولیات کو بہتر بنایا گیا ہے۔ پشاور سے کراچی تک چلنے والی عوام ایکسپریس کی نئی ریک پشاور کے عوام کے لیے خصوصی تحفہ ہے، جس کا مقصد مسافروں کو آرام دہ، معیاری اور جدید سفری سہولیات فراہم کرنا ہے۔ وزیراعظم محمد شہباز شریف کے وژن کے تحت پاکستان ریلوے کی ٹرینوں کو آؤٹ سورس کرنے کا عمل جاری ہے، جس کا بنیادی مقصد مسافروں کو بہترین، معیاری اور جدید سفری سہولیات کی فراہمی یقینی بنانا، سروس کے معیار کو بہتر بنانا اور ریلوے کے نظام کو مزید مؤثر بنانا ہے۔

mor_pakistan

Open In TikTok:

Region: PK

Monday 09 November 2026 13:20:05 GMT