@almecky_tz: Mtoto mchanga wa kiume anayekadiriwa kuwa na umri wa siku moja ameokotwa akiwa ndani ya begi jeusi katika eneo la Mkorosoni, Wilaya ya Chakechake, Mkoa wa Kusini Pemba. Mashuhuda wa tukio hilo wamesema kuwa walipofika eneo la tukio walilikuta begi hilo likiwa na mtoto huyo ndani, ambapo walimtoa na kumpeleka katika Hospitali ya Chakechake kwa ajili ya kupata huduma za awali za matibabu, baada ya kubaini kuwa hakuwa amepatiwa huduma muhimu tangu kuzaliwa. Akizungumzia hali ya mtoto huyo baada ya kupokelewa hospitalini, Muuguzi Mkunga wa Hospitali ya Chakechake, Fatma Abdalla Suleiman, amesema mtoto huyo alipokelewa majira ya saa 2:30 usiku akiwa hai na katika hali nzuri ya kiafya, licha ya kutokuwa amepatiwa huduma za awali. Kwa upande wake, Kamishna Msaidizi Mwandamizi wa Jeshi la Polisi Mkoa wa Kusini Pemba, Abdalla Hussein Mussa amethibitisha kupokea taarifa za tukio hilo na kueleza kuwa Jeshi la Polisi linaendelea na uchunguzi. (Credit @zbc_zanzibar) #Zanzibar #Tanzania #Habari #Football #Trending

almecky_tz

Open In TikTok:

Region: TZ

Thursday 12 November 2026 18:45:27 GMT